Skatteetaten avdekte regelbrot i 27 kommunar i julebordssesongen
Skatteetaten kontrollerte ei rekke serveringsstader i julebordssesongen. 68 verksemder i til saman 27 kommunar braut reglane.
Skatteetaten avdekte brot på skatte-, avgifts- og rekneskapsregelverket og har varsla skjenkestyresmaktene i kommunane det gjeld.
Skatteetaten deler rutinemessig informasjon i samband med løyvevurderingane til kommunane før løyve blir gitt. Verksemder som har grove brot på skatte-, avgifts- og rekneskapslovgivinga, kan risikere tilbakekalling av løyve. Det kan gjelde både skjenke- og serveringsløyve.
Annonse
Ti av verksemdene som Skatteetaten no har varsla om, er i Oslo. Resten av verksemdene er i kommunar på Vestlandet, Sørlandet, Innlandet og kommunar i Rogaland, Vestfold, Telemark og dessutan kommunane Trondheim, Bodø og Tromsø.
(©NPK)
