Sa ja til skuleopplegg
Fylkestinget vedtok onsdag funksjons- og romprogrammet for den vidaregåande skulen i Norheimsund samrøystes.
Kostnaden er stipulert til 328,6 millionar kroner.
– Til lukke, Kvam! Dette skal bli det nye praktbygget i Norheimsund, seier fylkesordførar Jon Askeland (Sp) i ei pressemelding.
Artikkelen held fram under annonsen.
– Me har mål om å samlokaliserea den nye vidaregåande skulen i eit nytt, moderne og ikkje minst arealeffektivt skulesenter for å kunna utvikla gode kvalitetar i læringsmiljøa og utdanningsprogramma. Skulen skal vera eit konkurransedyktig og føretrekt val for elevane i regionen, seier fylkesordføraren.
Verkstadareala skal vera ferdige i 2024. Resten skal vera klart til skulestart i 2026.
I oktober skal heradsstyret vedta både reguleringsplanen for skuleområdet og rompropgrammet. Dei sistnemnde sakspapira var enno ikkje offentleg tilgjengelege torsdag føremiddag, ei veke før formannskapet drøftar saka.
Debatten i fylkestinget førte inga usemje fram i lyset, men tvert imot rikeleg med skryt til både fylkesadministrasjonen og engasjerte kvemmingar.
Les også:
