Kvam brann og redning rykte laurdag ettermiddag ut til Strandebarm etter å ha fått melding om røykutvikling i ventilasjonsanlegget ved miniatyrskytebanen i eit bygg i idrettsparken på Tangerås.
Personar som oppheldt seg der, hadde ikkje observert opne flammar, opplyste Frode Eide ved 110 Vest til HF litt før klokka 14.
Annonse
Kring klokka 14.30 opplyste han at situasjonen framleis var udramatisk. Årsaka til røyken var varmgang i eit sikringsskap, opplyser Eide. Brannmannskapet var framleis på staden.
