Rykte ut til Kvam ungdomsskule

Klokka 22.33 nyttårsaftan fekk politiet melding om ungdommar som skaut rakettar mot boshuset på Kvam ungdomsskule.

Det opplyser politioverbetjent Anne-Siri Tysseland ved Samnanger politistasjon.

Politiet rykte ikkje ut, men kontakta Kvam brann- og redningsteneste. Ifylgje 110 Vest var det observert røyk på staden. Brannvesenet rykte ut for å kontrollera, og konstaterte at at det ikkje hadde oppstått noka form for brann. Brannvesenet var i kontakt med ungdommane, opplyser Tysseland.