Rusa på festival, men ikkje bak rattet
Folk var meir påverka av alkohol enn vanleg natt til sundag, ifølgje politioverbetjent i Kvam og Samnanger lensmannsdistrikt, Andor Helgheim. Politiet fekk melding om ordensforstyrringar i Norheimsund i samband med Hardanger trebåtfestival i eitt-tida. Personane var rusa, men det vart ikkje oppretta sak, fortel Helgheim.
Politiet hadde promillekontroll ved Skipadalen rundt midnatt same natt. Mellom femten og tjue bilar vart kontrollerte, men ingen av sjåførane var rusa, fortel Helgheim.
