Rusa mann kolliderte
Publisert
Sist oppdatert
Ein rusa mann i 20-åra kom uskadd frå det då han køyrde i fjellveggen ovanfor Snauhaugtunnelen i Tokagjelet i Kvam natt til sundag.
Det melde Vest politidistrikt i Politiloggen. Meldinga om ulukka kom klokka 01.30.
Annonse
Politioverbetjent Per Gunnar Thrane ved Kvam politistasjon opplyser til HF at det var automatikken i bilen som melde frå om hendinga. Då naudetatane kom til staden, var mannen ved ulukkesstaden og la alle kort på bordet. Han hadde køyrt frå Norheimsund.
Naudetatane avslutta på staden like før klokka 03. Då var bilføraren teken med til prøvetaking på Voss, bilen var henta av bilbergaren og førarkortet til føraren var henta av politiet.
