Rektor byter beite
Inga Lill Jensen Tolo er tilsett som rektor ved barneskulen i Samnanger. Ho byrjar i den nye stillinga i august, skriv Samningen.
– Eg håpar at erfaringa mi frå ein annan kommune kan tilføra Samnanger noko nytt, seier Tolo, som har vore rektor ved Kvam ungdomsskule i vel to år.
– Ideelt sett skulle eg ha vore litt lenger i min noverande jobb. Det er tidleg å slutta der etter to og eit halvt år. Men det var no sjansen kom, og då måtte eg gripa han, seier Tolo til Samningen.
Artikkelen held fram under annonsen.
Tolo, som tidlegare har vore lærar og avdelingsleiar, skal pendla frå heimen i Norheimsund.
