I ei fersk NHO-undersøking seier heile 92 prosent av hotella og 91 prosent av campingbedriftene at dei er negative til forslaget om turistskatt eller at dei er usamde i innretninga. Her ser me hotellet på Lofthus. Illustrasjonsfoto: Heidi Molstad Andresen / NPK
Reiselivsdirektøren: Skrot turistskatten og senk alkoholavgifta
– Det har kome inn nesten 400 høyringssvar om turistskatt frå både reiselivsbedrifter, kommunar og fylkeskommunar og andre verksemder. Det viser at dette er ei sak som engasjerer i heile landet. No forventar eg at regjeringa lyttar til innspela og tek seg tid til å utforme eit lovforslag som treff betre, seier reiselivsdirektør Krohn Devold til Nynorsk pressekontor.
Ho meiner regjeringa må gå tilbake til teiknebrettet:
– Forslaget til turistskatt er eit gedigent brot på lovnadene frå regjeringa. No må dei erkjenne at dei har bomma, trekkje heile forslaget og lage eit nytt i samarbeid med næringa.