Fiskeri- og sjømatminister Odd Emil Ingebrigtsen (H) varslar at regjeringa vil leggje fram ein ny havbruksstrategi. Foto: Fredrik Hagen / NTB / NPK

Regjeringa varslar ny havbruksstrategi

Regjeringa vurderer ein ny stimuleringsordning for å sluse meir fjordoppdrett inn i lukka anlegg når dei til sommaren legg fram ny havbruksstrategi.

– Målet vårt med denne strategien er å auke verdiskapinga i havbruksnæringa. Viss næringa skal halde fram med å vekse, må veksten vere berekraftig, seier fiskeri- og sjømatminister Odd Emil Ingebrigtsen (H) i ei pressemelding torsdag.

Han seier målet med strategien er å auke verdiskapinga i havbruksnæringa.

Blant verkemidla som blir vurderte, er ei ny stimuleringsordning for å sluse meir av dagens fjordoppdrett inn i lukka anlegg, skriv E24.

I pressemeldinga opplyser Nærings- og fiskeridepartementet at strategien mellom anna vil sjå på tilgang til fôr, areal, infrastruktur og digitalisering. Løyvesystemet er eit anna viktig tema.

– Havbruksnæringa er i ei rivande utvikling. Ny teknologi gjer det mogleg å produsere lenger ut til havs og i store volum på land, samtidig som det legg til rette for å utvikle det kystnære havbruket. Her må forvaltninga henge med, seier Ingebrigtsen.

Strategien skal etter planen leggjast fram før sommaren.

(©NPK)