Regjeringa innfører krav om bordservering av alkohol på arrangement

Regjeringa innfører krav om bordservering av alkohol på arrangement. Det er det same kravet som allereie gjeld for serveringsstader.

Kravet vil gjelde frå midnatt natt til torsdag, opplyser Helse- og omsorgsdepartementet til NTB.

Helseminister Bent Høie (H) seier kravet blir innført for å redusere smitterisiko på arrangement.

– Det er tillate med inntil 200 personar på arrangement som blir gjennomførte på offentleg stad. Kravet om bordservering vil gjelde for arrangement med skjenkeløyve. Formålet bak regelen er mellom anna å unngå trengsel og kø ved bar og liknande, seier Høie.

(©NPK)