Politiet: Styrkt mistanke om at dødsfall på Varaldsøy er eit drap

Dei førebelse obduksjonsrapportane styrkjer mistanken til politiet om at kvinna som døydde på Varaldsøy førre veke, vart utsett for dødeleg vald.

– Dei påviste skadane samsvarer ikkje med eit fall, skriv Vest politidistrikt i ei pressemelding.

Det var 42 år gamle Renate Strand Norrmann som døydde på Varaldsøy torsdag førre veke.

Ein 47 år gammal mann er sikta for drap i saka. Forsvararen hans, advokat Jørgen Riple, har sagt at mannen har forklart til politiet at skadane må vere resultat av eit fall.

(©NPK)