Pipebrann i Øystese
Publisert
Sist oppdatert
Kvam brann og redning rykte onsdag morgon ut etter å ha fått melding om ein skorsteinsbrann ein stad i Øystese sentrum.
Ifylgje vaktkommandør Jostein Steinsland-Hauge hjå 110 Vest var det tilfeldigvis ein brannmann som melde frå om hendinga og varsla dei som bur i huset. Det kom glør ut av skorsteinen.
Annonse
Klokka 9.15 opplyste 110 Vest at det vart bede om ytterlegare mannskap på grunn av sterk varmeutvikling og mogleg fare for spreiing til konstruksjonen.
Sju minutt seinare melde brannmannskapet om at det var kontroll på skorsteinsbrannen, og ikkje fare for spreiing.
