Person arrestert etter trusselsituasjon mot kommunehuset i Samnanger

Ein person er arrestert etter ein trusselsituasjon mot kommunehuset i Samnanger i Midthordland måndag.

– Personen som sette fram truslane er teken under kontroll av politiet, seier ordførar Knut Harald Frøland til Bergens Tidende.

Det var ein tilsett ved kommunehuset som fekk trusselen, og det vart bestemt å låse av området. Tilsette fekk også beskjed om å halde seg i ro.

– Det er klart at det er ein spesiell situasjon når ein tilsett får ein slik trussel. Og heldigvis er det sjeldan at det skjer. Eg har vore her i snart sju år, og dette er første gong eg opplever noko slikt, seier Frøland til avisa.

Det er ikkje kjent kva trusselen dreidde seg om.

(©NPK)