Opnar truleg veg klokka 16

Vegen mellom Norheimsund og Vikøy opnar truleg rundt klokka 16 i dag.Det melder Vegtrafikksentralen. Vegen har vore stengd sidan flaumen i natt. I fyrste omgang vert berre eitt felt opna. Vegen vart skadd av flaumen.

Europaveg 16 mellom Bergen og Voss er stengd. Ved Fyksesundbrua er det kolonnekøyring.

Årsaka er fleire ras ved på E16 ved Bolstad. Det er venta at eitt felt vert opna for trafikk med leiebil klokka 14 i dag, melder Statens vegvesen i ei pressemelding.

Fylkesveg 7 mellom Ålvik og Granvin er open att, etter at han var stengd i natt på grunn av rasfare. På strekkja er det innført kolonnekøyring mellom Granvin og Fyksesund.

Vegvesenet oppmodar om at trafikk frå vest mot aust køyrer via Samnanger til Gjermundshamn og vidare med ferje til Årsnes. Motsett veg kan trafikken køyra via Granvin og Kvam il Trengereid.

Trafikkdirigentar er plasserte ved Hagaåstunnelen i Samnanger og ved avkøyrsla til fylkesveg 7 i Granvin.