Arkivfoto: Sigbjørn Linga

Nytt tilbod til morgonfuglane

Dei som vil reisa grytidleg til Bergen kan gle seg over ein ny tur mellom Kvam og Bergen busstasjon. Den nye turen har vore i drift frå 1. mai og går berre på kvardagar. Bussen startar i Øystese klokka 05.14, går frå Norheimsund klokka 05.24 og er framme i Bergen klokka 07.00.

Turen er eit nytt tilbod som inneber ei styrking av rutetilbodet, opplyser pressekontakt i Skyss, Camilla Lundberg Berntzen.

- Per i dag har me ikkje passasjertal for ruta, men me reknar med at det tek noko tid frå eit nytt tilbod er etablert til ein ser endringar i reisevanar, fortel ho.

Om kvart minutt tel, finst det eit raskare alternativ, ifølgje Skyss. Dei som hoppar av bussen i Indre Arna og tek toget til Bergen, vil vera framme klokka 06.42.