Nytt smittetilfelle i både Kvam og Ullensvang

Det er førebels ikkje påvist noka tilknyting mellom det nye tilfellet i Kvam og dei tidlegare smitta.

Det melder Kvam herad, som fekk meldinga om det siste covid-19-tilfellet sundag morgon.

Heradet kan ikkje utelukka at det kan vera ein samanheng med dei tre tidlegare smittetilfella dei siste dagane, ettersom smittesporinga går føre seg enno.

Heradet veit ikkje kva virusvariant det er tale om.

Også i Ullensvang vart eitt nytt smittetilfelle kjent laurdag. Smittevegen var laurdag ukjend, ifylgje kommunen, som då hadde 19 smitta og isolerte personar.