Nytt eigarskap i Bolaks
Alsaker AS har inngått avtale om å kjøpe oppdrettsselskapet Bolaks.
Oppkjøpet må først godkjennast av konkurransemyndigheitene. Dersom det skjer, vil Alsaker AS kunne samle verksemdene til ei av dei største privateigde oppdrettsgrupperingane på Vestlandet , skriv Bergens Tidende.
Selskapa opplyser sjølve at produksjonspotensialet i det samla konsernet kan kome til å overstige 50.000 tonn.
Annonse
Bolaks legg vekt på at avtalen skal sikre vidare drift og satsing i Bjørnafjorden. Selskapet har i dag 130 tilsette.
Alsaker AS er heileigd av Meidell AS. Gerhard Meidell Alsaker er einaste aksjonær.
(©NPK)
