Nkom: Slik førebur du deg til hauststormen

* Hald mobilen og anna utstyr lada

* Sørg for å lade mobiltelefon, PC, nettbrett, batteripakke og elbil. Har du bil som går på bensin eller diesel, bør du fylle tanken. Då har du alternative straumkjelder og kan komme deg dit du treng – også ved straumbrot.

* Vel mobilabonnement frå ulike operatørar i husstanden

* Vurder abonnement hos ulike mobiloperatørar – så mistar ikkje alle i husstanden dekninga dersom det oppstår ein feil i eitt av mobilnetta. Mange mobiltelefonar har også moglegheit for å ha to eller fleire simkort/eSIM. Nødnummer vil fungere så lenge minst éin operatør har dekning, uavhengig av abonnement. Har du ikkje dekning sjølv, kan du sjekke med naboen som kanskje har ein annan operatør som ikkje er ramma.

* Skaff ein batteridriven dab-radio

* Sørg for å ha ein dab-radio som går på batteri tilgjengeleg heime. Dab-radio kan gi deg viktig informasjon viss mobilnettet er nede. Har du dab-radio i bilen, kan han også vere ei nyttig informasjonskjelde dersom du må evakuere eller opphalde deg utanfor heimen.

* Bruk wifi og nødstraum for å halde kontakt

* Hugs at du kan bruke wifi på mobil til å ringe viss eksempelvis mobilnettet er nede. Dersom straumen er slått ut, men fibernettet framleis er oppe og går, kan du kople ruteren og modemet ditt på ei UPS-eining slik at internett framleis fungerer.

* Orienter deg om nød-dekning i kommunen

* Mange kommunar har basestasjonar med reservestraum i opptil tre døgn – ofte i nærleiken av kommunehus eller rådhus. Om du mistar mobildekninga heime, kan du dra dit (dersom det er trygt) for å få kontakt med omverda. Sjekk på førehand der desse stadene finst i kommunen din – du finn oversikt på nkom.no.

Kjelde: Nasjonal kommunikasjonsmyndigheit