Ein kan rekne med tomme løyper i fjellet i påska. Ni av ti nordmenn planlegg å halde seg heime i høgtida, ifølgje Norsk koronamonitor frå OpinionFoto: Inger Robøle Kristiansen / NPK

Ni av ti blir heime i påska

89 prosent av nordmenn reknar med å halde seg i eigen bustad i påska.

– Hyttepåske er ikkje erstatta med bypåske, men heller heimepåske, seier seniorrådgivar Ola Gaute Aas Askheim i Opinion.

Marknadsanalysebyrået står bak Norsk koronamonitor, ei oversikt over korleis nordmenn opplever og handterer koronakrisa. I førre veke vart 3.000 nordmenn spurde om påskeplanane sine. Nesten alle seier dei vil halde seg heime i sin eigen bustad, opplyser Opinion i ei pressemelding.

Nesten kvar fjerde person opplyser òg at dei er usikre på eigne påskeplanar.

– Sjølv om påska nærmar seg med stormsteg, og fleire allereie har starta påskeferien, er tydelegvis mange rimeleg forvirra rundt eigne påskeplanar, seier Askheim.

(©NPK)