Møk rann ut i fjorden

Store mengder møk enda i Hardangerfjorden då ei luke i ein gjødselkjellar på Aksnes rauk fredag ettermiddag. Innsatsleiar Atle Barane i Kvam brann- og redningsteneste fortel at 200–300 kubikkmeter møk rann ut. Ein del av det rann ut i fylkesvegen og måtte spylast vekk, medan det meste rann ned i ein bekk og ut i sjøen.

– Det kjem nok til å halda fram med å renna ei stund Det er låg vassføring og framleis mykje møk att i bekken, seier han.

Barane fortel at Kystverket er varsla om hendinga. Ekskrementa skal ikkje vera farlege for oppdrettsanlegga i området.