Minner om fredskrav i påsken
Politiet minner folk om heilagdagsfreden.
— Me går erfaringsmessig inn i ei tid der mellom anna motorisert hagearbeid og snikring er populært, skriv Vest politidistrikt på Twitter.
Politiet minner om at Noreg har ei eiga lov som stiller krav til heilagdagsfred.
Artikkelen held fram under annonsen.
— Sjå litt på henne og bevar eit godt naboskap! oppmodar politiet.
Ifylgje lova er det forbode å forstyrra med «utilbørlig larm» på heilagdagar pluss påske-, pinse- og julaftan. Med andre ord er dei neste fem dagane ikkje tida for å testa motorsaga etter vinterdvalen.
Dei som syndar, risikerer bøter.
