Mindre snø enn vanleg i nord og i vest
Hydrologane i NVE har analysert snøvinteren. I Nord-Noreg er det snømangel, og det er òg mindre snø enn normalt i fjellet i vest. Søraust i Noreg er det derimot meir snø enn vanleg.
I fleire av dei nordlegaste fylka, særleg i Nordland, er det lite snø for årstida. I Nordland er det godt under halvparten så mykje snø som det brukar å vere i fylket på denne tida, skriv varslingstenesta Varsom.no.
På Vestlandet er det snø til havnivå, men mindre snø enn vanleg i fjellet. Det gjer at det i gjennomsnitt er mindre snø enn normalt i dei tre vestlandsfylka.
Artikkelen held fram under annonsen.
Samanlikna med tidlegare år, viser data frå SeNorge at denne vintersesongen er ein av dei fem-seks mest snørike åra både i Oslo og fylka rundt sidan 1980.
