Meld for ulovleg køyring
Ein bil med to personar hamna i grøfta ved Nernesvegen i Kvam torsdag kveld.
Publisert
Sist oppdatert
Dei to personane kom seg ut or bilen og var oppegåande og uskadde etter uhellet ved Mundheim. Kollisjonsputene vart utløyste.
Elles var skadeomfanget ukjent då politiet gjorde hendinga kjend i Politiloggen klokka 23.30, sju minutt etter at meldinga kom.
Annonse
Naudetatane rykte ut til staden, og dei involverte fekk tilsyn av helsepersonell på staden.
Klokka 01.41 melder politiet at arbeidet på staden var avslutta. Føraren vert meld for køyring utan gyldig førarkort.
Politiet melde fyrst at føraren var åleine i bilen, men kom sidan med ei retting. I tillegg vart det meldt at ambulansetenesta ikkje rykte ut sidan dei innblanda verka å vera uskadde, men også det viste seg sidan å vera feil. Red.
