Kunnskapsminister Guri Melby (V) under ein pressekonferanse om koronasituasjonen. Foto: Jil Yngland / NTB / NPK

Melby: – Det skal ikkje kuttast i skulane for å spare til koronatiltak

Kunnskapsminister Guri Melby (V) kjem med ei klar oppmoding om å prioritere skulane når det no blir lagt meir pengar på bordet til kommunane.

– Viss ein barnehagelærar er sjuk og må halde seg heime, skal det setjast inn vikar. Det skal ikkje kuttast i tiltak i skulen for å spare pengar til koronatiltak, sa Melby.

Regjeringa lova torsdag 7,3 milliardar kroner ekstra til kommunane neste år.

– Vi er alle einige om at utdanninga av barn og unge ikkje skal bli skadelidande under koronakrisa. Då må skular og barnehagar prioriterast lokalt når vi løyver pengar nasjonalt. Barn og unge bør få ein stor del av dei sju milliardane ekstra for 2021, sa Melby.

(©NPK)