Å freista gå i 24 timar i strekk kan verta einsamt til tider, viste det seg for John Tveit-Winther.
Sigbjørn Linga
Meiningsfylt meiningsløyse
Eit par morgonfuglar – nærare bestemt kråker – hoppar rundt på den kortklipte, morgonvåte grasbanen. Elles er det tilsynelatande livlaust når HF parkerer bladbilen ved Strandebarm idrettspark litt før klokka 07 onsdag morgon.
Har han sprokke og gått og lagt seg i natt? Innsåg han kor tåpeleg påfunnet var og tok til vit?
Men nei. Der, i skuggen på motsett side av banen, er det noko som lear seg. I låg fart, rett nok, men er det ikkje ein person som går der borte?