Mann i 70-åra omkom i trafikkulykke i Ullensvang

Ein mann i 70-åra omkom då ein bil køyrde av vegen og inn i eit tre i Ullensvang i Hardanger torsdag ettermiddag.

Ulykka skjedde på E134 ved Seljestad. Ifølgje politiet kan ulykka ha vore forårsaka av eit sjukdomstilfelle.

– Ein mann i midten av 70-åra er stadfesta omkommen. Det er indikasjonar på at det kan ha oppstått akutt sjukdom like i forkant av ulykka. Pårørande er varsla og blir følgt opp av kommunalt kriseteam, opplyser operasjonsleiar Jørgen Ommedal i Vest politidistrikt.

Artikkelen held fram under annonsen.

To personar var i bilen. Éin av dei var livlaus då nødetatane kom til staden. Det vart sett i verk førstehjelp, men livet stod ikkje til å redde, opplyser Ommedal til Bergens Tidende.

(©NPK)