Mange bubilturistar vil ikkje finne tømmestasjonar for kloakk og skite vatn der dei reiser rundt i sommar.Illustrasjonsfoto: Marianne Løvland / NTB scanpix / NPK

Mange kommunar manglar tømmestasjon for bubil

Det er 141 kommunar her i landet som ikkje har tømmestasjonar for kloakk og skitent vatn, sjølv om det er krav om det i forureiningslova. Det kan gi utfordringar når mange skal på bubilferie i sommar.

NRK har gjort ein gjennomgang av tømmestasjonane som er oppført på bobilplassen.no. Ein av tre kommunar manglar altså ein plass der ein kan kvitta seg med skiten som samlar seg opp når ein er på ferie.

– I enkelte kommunar tenkjer dei at dei ikkje vil ha bubilturistar på besøk. Dei prioriterer ikkje tømmestasjonar, seier Anita Hokholt Engh, fagsjef i Norsk Bobil og Caravan Club til NRK. Ho trekkjer fram at det er ekstra viktig å ha moglegheit til å tømma skite vatn og kloakk i år, når så mange skal på noregsferie.

(©NPK)