Ei økt i hagen i påsken kan gjere at det blir mindre arbeid seinare. Foto: Kari Hamre / Nynorsk Pressekontor

Luking i påsken kan spare deg mykje arbeid framover

Bruker du påsken til luking og rydding, kan det føre til mindre hagearbeid i sommar. I tillegg kan du bli kvitt gøymestadane til brunsnigelen.

Ugraset er kanskje ikkje stort no for tida, men det ugraset som er i hagen no er lettare å luke no. Ein grundig og regelmessig jobb no og dei neste vekene, gjer at det blir vanskelegare for ugraset å formeire seg, skriv Norsk institutt for bioøkonomi (NIBIO) på sine nettsider.

– Det er best å fjerne heile rota, for då kjem dei ikkje opp igjen. Det å luke tidleg vil gjere at det blir mindre arbeid seinare, seier Wiktoria Kaczmarek-Derda, ugrasforskar ved NIBIO.

Artikkelen held fram under annonsen.

Ho legg til at det er ikkje berre lukearbeid ein bør gjere i påsken. Å rake vekk blad og å fjerne visne staudar kan fjerne mange snigelbustader. Det kan fjerne snigelproblem i hagen.

Plenen kan òg få litt pleie i påska

– Dette er òg tida for å legge til rette for gode vekstforhold for gras i plen. No ser det ut til at det ikkje blir så mykje frost lenger om natta – i alle fall i delar av landet. Dermed kan du begynne å rake plenen. Dette vil gi betre lys- og lufttilgang for graset. Men rak berre der plenen har tørka opp! Ikkje rak om det framleis er vått. Då kan du nemleg lett trakke ned graset og lage hol i plenen kor ugras vil dukke opp seinare, forklarer Kaczmarek-Derda.