Lite ny kraftproduksjon – 280 prosjekt ventar på utbygging
Noregs vassdrags- og energidirektorat (NVE) melder om svak vekst i ny kraftproduksjon i første del av 2026. Samtidig har 280 prosjekt alle nødvendige løyve, men har ikkje starta utbygginga.
NVE har publisert ein ny statusrapport for kraftproduksjon og behandling av konsesjonssaker for perioden januar til april 2026. Dei første fire månadene i år er det sett i drift 30 MW og 64 GWh ny kraftproduksjon, skriv dei i ei pressemelding.
– Den svake veksten i ny kraftproduksjon er ein del av ein større trend dei siste åra, der lite ny produksjon har vorte sett i drift, seier Inga Nordberg, direktør for energi- og konsesjonsavdelinga i NVE.
Annonse
Samtidig har 280 kraftprosjekt alle løyve på plass, men er ikkje sette i drift. Mykje av dette er småkraftprosjekt.
NVE behandlar samla omtrent like mange saker som dei får, og nettanlegg utgjer rundt halvparten.
– Vi gjer ei rekke tiltak for å kunne handtere fleire saker. I tillegg til digitaliseringsarbeidet ser vi også eit behov for tettare oppfølging av felles framdriftsplanar med tiltakshavar, spesielt på dei store sakene, seier Nordberg.
(©NPK)
