Kulturnaustet er allereie i bruk som utstillingslokale. Planen er å gjera bygget til publikumsmottak.
Ragnhild Økland Børven
Kulturnaustet på topp
9,3 millionar kroner kan tilfalla prosjektet dersom hovudutval for kultur, idrett og integrering i Vestland er samd med fylkeskommunedirektøren i møtet 12. oktober. Bak satsinga står Hardanger fartøyvernsenter og Hardanger og Voss museum.
Kulturnaustet er det største delprosjektet i utviklingssatsinga Tett på, som nyleg fekk tilsegn om statleg stønad. Det inneber at lokale som tidlegare hyste ein Ica-butikken, skal byggjast om til publikumsbygg med ymse funksjonar, noko som frigjev areal til handverk og gjev betre arbeidstilhøve.
Vel å merka vert prioriteringa berre eit bakteppe for arbeidet med budsjettet. Dei vert altså ikkje løyvde komande veke.