Kristiansand er årets ungdomskommune

Det hende under ein ungdomskomferane i regi av Barne-, ungdoms- og familiedirektoratet. Han går føre seg i Kvam av di Kvam ungdomsråd vart kåra til årets ungdomskommune i 2023. Vinnaren får nemleg arrangørbøra.

Barne- og familieminster Lene Vågslid (Ap) var til stades for å dela ut prisen i Øystesehallen. Kristiansand trekte det lengste strået i kamp mot dei to andre finalistane, Haugesund kommune og Modalen kommune.

– Kristiansand gjer ein strålande jobb med å inkludera ungdomar i politiske prosessar gjennom Ungdommens bystyre. Arbeidet kan gje nyttige erfaringar som andre kommunar kan læra av. Ungdomar har rett til å bli inkluderte i politiske prosessar som gjeld dei. Det må ikkje berre vera noko me seier i festtalar. Difor er det fantastisk å kunna hylla dei som får det til i praksis. Både Kristiansand og dei andre finalistane har vist at dei meiner alvor når dei seier at dei trur på ungdom si evne til å bidra, seier Vågslid i ei pressemelding frå departementet..

Før kåringa hadde representantar for Kvam ungdomsråd, ordførar Torgeir Næss og direktør for Bufdir, Hege Nilssen, tala til forsamlinga i samband med opninga av konferansen. Kvam kulturskule bidrog med musikalske innslag.

Totalt 29 kommunar søkte om å verta året ungdomskommune. Idrettshallen var stappfull av ungdomsrådsrepresentantar for kommunar i heile Noreg. 

Ungdomskonferansen varar til og med tysdag. Du kan lesa meir om han i HF seinare.