Kom uskadde frå grunnstøyting
Det enda godt då ein arbeidsbåt grunnstøytte ved Kysnesstrand i Ullensvang i natt.
Publisert
Sist oppdatert
Meldinga om grunnstøytinga i Torsvik, som hende om lag 50 meter frå land, kom klokka 02.53 natt til torsdag.
Tre personar var om bord i den 15 meter lange båten, melde Vest politidistrikt i Politiloggen.
Annonse
Dei hadde grunnstøytt i låg fart, og ingen vart skadd. Politiet, brannvesenet, ei redningsskøyte og ein sivil båt vart sende til staden.
Det synte seg at båten ikkje hadde skadar i skroget og ikkje tok inn vatn. Båten kom seg laus sjølv for eiga maskin og kom seg til land.
Ifylgje politiet er ei mogleg årsak til hendinga at grunna ikkje er merkt på sjøkart. Politiet mistenkjer ikkje promillebåtkøyring.
