Klart for strandryddedugnad

Stiftinga Hold Norge Rent arrangerer strandryddeveka frå 11. til 19. september. Høgdepunktet i veka er den store Strandryddedagen 18. september.

- Frivillig rydding er ei folkerørsle, og dei frivillige har gjort ein eineståande innsats sidan Strandryddedagen vart arrangert for første gong i 2011, seier prosjektleiar for opprydding hos Hold Norge Rent, Heidi Gromstad, til Kyst og Fjord.

Hold Norge Rent arrangerer ryddedugnaden, og ventar at fleire tusen menneske, både privatpersonar, organisasjonar, kommunar og bedrifter vil bidra med ein innsats mot forsøpling av hav og strender under arrangementet.

Ifølge folkeforskninga er det gjennomført over 21.400 ryddeaksjoner og det er rydda minst 8.400 tonn søppel langs norske strender dei siste ti åra.