Sigrid Oline Kaldestad viste medelevane at lam og kos høyrer saman.
Ragnhild Økland Børven
Inviterte til gardsbesøk
Borna, som går i 2. klasse på Norheimsund skule, fekk dei beste rammene for ein kjekk føremiddag på tunet på Kaldestad. I strålande solskin fekk elevane helsa på sju alelam som hadde teke turen ut for fyrste gong.
Lamma var kring tre veker gamle, og det var ei stolt gardsjente som fekk vist korleis ting skulle gjerast. Både mating og kos stod på planen.
Det same gjorde andre uteaktivitetar. Nokre hoppa på trampoline, medan andre hadde dragkamp, kasta ball på boks eller spela kubb. Eit par jenter fann fram farga kritt og teikna på asfalten.