Publisert 12. august 2019 kl. 11.58.

Innbrot i Øystese

Fredag vart eit innbrot på ein byggjeplass i Øystese meldt til politiet. Det er stole verktøy og anna utstyr, fortel politibetjent Solveig Sæter i Kvam, Fusa og Tysnes lensmannsområde. Innbrotet hende anten torsdag kveld eller natt til fredag. Det vert etterforska, og politiet er interessert i tips.

Innbrotet fekk Kvam Security til å åtvara folk. Verksemda opplyser at innbrotet verkar å vera profesjonelt utført og godt førebudd.