– Ikkje reis til Oslo!

Folk bør halda seg borte frå osloregionen, meiner Ullensvang kommune.

Kommunen rår frå uturvande reiser til ti kommunar i området, på grunn av den dramatiske smittesituasjonen som har oppstått dei siste dagane. I dag vart drastiske tiltak innførte i regionen.

I ei pressemelding frå ordførar Roald Aga Haug laurdag vert ullensvangarane oppmoda om å lata seg koronatesta dersom dei har vore i området, og om å vera i frivillig karantene til dei eventuelt får negativt svar på prøven.