Hyttemarknaden når nye høgder

Pandemien har gitt hyttemarknaden eit stort løft. Så langt er det omsett 14.687 fritidsbustader i år.

Rekorden på 14.589 fritidsbustader, som vart sett i fjor, vart passerte like før julaftan, skriv Dagens Næringsliv.

– Sjølv om det ikkje er ein stor rekord, er hyttemarknaden framleis på eit skyhøgt nivå samanlikna med før pandemien, både i talet på sal og prisnivå, seier senioranalytikar Carl Christian Mathiesen i Prognosesenteret.

I snitt kostar ei hytte 2,48 millionar kroner i år, ein auke på 7,4 prosent. Kvadratmeterprisen er i snitt 33.500 kroner, noko som er ein oppgang på 9,3 prosent frå i fjor.

– Prisveksten i hyttemarknaden kan forklarast med den auka etterspurnaden etter kombinasjonsbustader, der vi kan kombinere jobb og fritid. Heimekontor har nok komme for å bli for mange, og denne auka etterspurnaden gir grobotn til prisveksten, seier Mathisen.

Kommande år trur Prognosesenteret på ein svak nedgang i talet på sal, og dessutan ein nullvekst i prisane, men pandemien gjer prognosane usikre.

(©NPK)