Det ligg an til å bli ein historisk god fruktsesong i Hardanger. Illustrasjonsfoto: Kari Hamre / NPK

Historisk god fruktsesong i Hardanger

Fruktbønder i Hardanger opplever at årets avlingar er uvanleg gode. Det ligg an til å bli rekordsommar for nokre.

– Vi har hatt eventyrlege, om ikkje historisk gode, avlingar i år, seier fruktbonde Harald Alvavoll til NRK Vestland.

For Alvavoll ligg både eple, plommer og morellar an til å slå rekordar i år.

Kari Opedal frå Ullensvang fruktlager deler optimismen til Alvavoll.

– Volummessig sett blir dette det beste året nokosinne for Ullensvang fruktlager sin del, seier Opedal.

Alvavoll forklarer at noko av grunnen kan vere klimaendringane. Dei gjer at snittemperaturen har gått jamt oppover dei siste åra. Det gjer mellom anna at vekstsesongen blir lengre.

– Vi veit at kollegaar andre stader i verda ikkje profitterer på same måte, på grunn av klimaet, så vi må vere audmjuke, seier han.