Helsestyresmaktene tilrår gult nivå etter jul
Skular og barnehagar bør starte på gult nivå etter jul, tilrår Helsedirektoratet og FHI.
Helsedirektoratet og Folkehelseinstituttet (FHI) tilrår at det nasjonale tiltaksnivået i barnehagar, barneskular og ungdomsskular blir halde oppe på gult nivå.
Samtidig tilrår dei å senke det nasjonale tiltaksnivået for vidaregåande skular frå raudt nivå til gult nivå.
Artikkelen held fram under annonsen.
Den såkalla trafikklysmodellen skil mellom tre tiltaksnivå i skulen: grønt, gult og raudt.
«Mange tjenester er avhengig av åpneskoler og barnehager for å kunne fungere normalt, og for å kunne oppdage barn og unge som strever. Vi har godkunnskap om at smitteverntiltak og stengte skoler har ført til et faktisk læringstap, og at skolemotivasjonenreduseres», skriv Helsedirektoratet i si vurdering.
«Det erderfor viktig at skolene og barnehagene er åpne ved skolestart etter juleferien».
Ny vurdering i midten av januar
Helsedirektoratet meiner gult nivå bør vurderast på nytt før veke tre.
«Dette tiltaket må ses i sammenhengmed andre kontaktreduserende tiltak i samfunnet og med smittesituasjonen, belastningen på helse- ogomsorgstjenesten, sykefraværet i samfunnet og testkapasiteten for massetesting i skoler», skriv Helsedirektoratet.
Folkehelseinstituttet meiner for sin del at avgjerda om gult nivå nasjonalt bør takast bort seinast frå veke tre. Etter dette bør trafikklysa vedtakast lokalt, ifølgje FHI.
Også Utdanningsdirektoratet vil ha vekk dei nasjonale tiltaka:
«Det er store lokaleforskjeller i smittesituasjonen i Norge. Nasjonale tiltak rettet mot barn og unge er ikkeforholdsmessig i områder med lite smitte», åtvarar Utdanningsdirektoratet i innspelet sitt til regjeringa.
Artikkelen held fram under annonsen.
Testkampanje
Fagetatane går òg inn for omfattande testing av elevar og lærarar.
Folkehelseinstituttet foreslår at alle elevar og tilsette tek ein sjølvtest før skulestart, anten dagen før eller før oppmøte om morgonen same dag.
Etter dette blir det foreslått jamleg testing så snart det er tilgang på testar.
Tilrådinga er å starte opp jamleg skuletesting i barneskular, ungdomsskular og vidaregåande skular for elevar og tilsette i dei kommunane der det er høgt smittetrykk og stor belastninga på helsetenesta. I tillegg bør tilsette testast i barnehagane.
Helsedirektoratet og FHI ønskjer òg å føre vidare fritaket frå smittekarantene i arbeidstida for lærarar og barnehagetilsette så lenge desse testar seg.
Det er no opp til regjeringa å bestemme korleis tilrådingane vil bli følgt opp.
