Knut Olav Røssland Nestås er regionleiar for Trygg Trafikk i Vestland. Han og fagsjef Harald Heieraas gratulerer Kvam herad med ny godkjenning som trafikksikkert herad for perioden 2024–2026.
Presse
Godkjent på nytt
Det vart konklusjonen til Trygg Trafikk (TT) etter eit «regodkjenningsmøte» med heradet 20. november. Heradet jobbar godt og heilskapleg med trafikktryggleik, meiner organisasjonen.
Godkjenninga gjeld åra 2024–2026. Den førre godkjenninga kom i november 2020. Målet med godkjenningsmøta er å samanfatta status i trafikktryggleiksarbeidet til heradet, drøfta utviklingsområde og styrkja samarbeidet mellom heradet og Trygg Trafikk.
Før møtet hadde heradet levert dokumentasjon frå arbeidsmiljøutvalet og utvalde skular og barnehagar, evaluert tiltaka i trafikksikringsplanen og gjennomført ei spørjeundersøking mellom eit utval av dei tilsette i heradet. 11 kommunale leiarar hadde ein samtale med organisasjonen i møtet.