Gir seg som økonomisjef
Olav Botnen sluttar som økonomisjef i Kvam herad, opplyste rådmann Anita Hesthamar i formannskapsmøtet tysdag.
Ein tidlegare arbeidsgivar har ønskt å henta han tilbake, og han har fått eit tilbod som heradet ikkje kunne konkurrera med.
Artikkelen held fram under annonsen.
Det er enno ikkje avklara når Botnen sluttar, men han vert truleg verande i jobben til over sommaren, sa Hesthamar.
Kvam herad vil lysa ut økonomisjefstillinga så snart som råd.
