Stortingsrepresentant Helge André Njåstad (Frp) seier partiet ikkje vil støtta Nasjonal transportplan utan at Hordfast og E16 er med.FOTO: Andrea Øien Sæverud / Nynorsk pressekontor

Frp set foten ned for NTP utan Hordfast og E16

For Framstegspartiet er det uaktuelt å støtta Nasjonal transportplan utan at Hordfast og E16 er med.

Det var den klare tilbakemeldinga frå partiet til samferdselsminister Knut Arild Hareide (KrF) på eit folkemøte på Voss torsdag, fortel Bergens Tidende.

Hareide har varsla store endringar i komande Nasjonal transportplan og gjort det klart at fleire kjem til å bli skuffa.

Under møtet på Voss gjorde stortingsrepresentant Helge André Njåstad (Frp) det klart at partiet ikkje vil godta ein ny nasjonal transportplan utan at både Hordfast og E16 er med, skriv avisa.

Utan støtte frå Frp trur Njåstad heller ikkje at regjeringa vil få fleirtal for NTP i Stortinget.

(©NPK)