Framleis trøbbel med straumen

I eit område ved Mundheim har straumen i BKK-nettet vore borte sidan seint fredag kveld. Og laurdag kveld manglar framleis ein del abonnentar heilt sør i Kvam straumen etter at uvêret «Amy» råka.

Det går fram av straumkartet til nettselskapet. Her vart det laurdag kveld litt før klokka 21 opplyst at 460 kundar var utan straum i eit område om lag mellom Mundheimsdalen i Kvam i nord til Ulvanes i Bjørnafjorden i sør. Kor mange som er i Kvam, er det ikkje råd å lesa ut av kartet.

Sundag ettermiddag sa Knut Nernæs til HF at straumen framleis var vekke. Han fekk varsel om straumbrotet frå BKK Nett AS (BKK) fredag.

– Men det såg me, seier han.

Nernæs har aggregat på garden, og klarar seg difor greitt. Men traktoren har gått i to døgn. Ifylgje nettstaden til BKK skal straumen vera attende klokka 18 sundag. Nernæs seier at tidspunktet har vorte utsett fleire gonger.

– Me høyrde vêret, men me rekna ikkje med at det skulle ta to døger å fiksa det, seier han.

Kristina Kollerud Austrheim, kommunikasjonsjef i BKK, seier til Grenda at selskapet arbeider på spreng med feilretting. Vona var laurdag å få alt ordna i løpet av laurdag kveld, men det kunne ta meir tid.

I ei pressemelding seier BKK at selskapet undervegs i feilrettinga har hatt utfordringar med framkome og krevjande vêrtilhøve.

Les også:

Sjå video: Vegen vart reine slalåmløypa