Foreslår å gjere 400 mellombelse politistillingar permanente
Dei 400 mellombelse stillingane i politiet som vart oppretta på grunn av koronapandemien, ønskjer regjeringa å gjere permanente i forslaget til statsbudsjett.
I forslaget ønskjer regjeringa å gi 477,8 millionar kroner for å gjere stillingane permanente. Løyvinga blir foreslått som ein varig auke.
Stillingane skal overførast til politidistrikta når det ekstraordinære bemanningsbehovet som følgje av virusutbrotet har falle bort.
Artikkelen held fram under annonsen.
I forslaget skriv regjeringa at dei vil leggje til rette for eit tilgjengeleg politi, som i større grad er til stades i lokalsamfunna.
(©NPK)
