Passasjerkatamaranen MS «Vision of the Fjords» er ein hybridbåt spesialbygd for sightseeing i norske fjordar, og har gått i turistrute mellom Flåm og Gudvangen. Skipet er bygd av Brødrene Aa i Hyen for The Fjords.Foto: Hallvard Østrem / NPK

Fjord 1 vil løyse opp selskapet The Fjords

Usemje om den framtidige strategien i The Fjords gjer at Fjord1 no vil løyse opp selskapet. Dei går til retten med saka.

Dagfinn Neteland, adm.dir. i Fjord1, stadfestar overfor Sunnmørsposten at dei ønsker å løyse opp selskapet The Fjords, som dei eig saman med Norway`s Best.

Neteland forklarer at det er usemje om den framtidige strategien i The Fjords som er årsaka til at dei ønsker dette. Reiarlaget har fleire prisvinnande turistkatamaranar, og står mellom anna bak heilelektriske Legacy of the Fjords som vart sett i drift i juli 2020.

Saka er fastsett i Sogn og Fjordane tingrett frå 18. august og i tre dagar framover, skriv Teknisk Ukeblad.

Vision of the Fjords.Foto: Hallvard Østrem / NPK