Feil i kraftnettet er utbetra

Klokka 12.50 melde Haringnett AS at feilen i høgspentnettet mellom Tørvikbygd og Kolltveit var utbetra. 

Då skulle dei fleste ha fått straumen att. Men framleis var det nokre feil i lågspentnettet i området, ifylgje driftsmeldinga.

Det tok tid å utbetra den omfattande feilen, som oppstod i går kveld. Nettselskapet sette i gang arbeidet med å retta feilen i natt, men det vart stoppa på grunn av vind og mørke. Dei råka kundane vart varsla med tekstmelding.

Elles kom det ikkje kome meldingar om dramatiske hendingar knytte til uvêret «Amy» i Kvam eller Ullensvang i natt, men det har falle mange tre på vegen mellom Augastad og Ljones i Tørvikbygd. Frå Ålvik har HF fått bilete av eit tre som har falle mot eit hus.