Publisert 27. juni 2019 kl. 09.02.

Er dette det nye kommunevåpenet?


Folket har utpeikt sin favoritt.


Jan Petter Saga frå Tyssedal har teikna utkastet som vann røystinga for det nye kommunevåpenet til Ullensvang kommune.

Forslaget er skildra slik:

«Tre liljer for dei tre kommunane, med Folgefonna mellom. Blå for fjorden, kvitt for breen, snøen og fruktblomen».

Over 300 forslag vart sende inn. Juryen plukka ut fem til ei folkerøysting.

Ifølge intensjonsavtalen skal det nye kommunevåpenet vera basert på det noverande våpenet til Ullensvang herad.

Forslaget til Saga fekk 622 av 1.402 røyster, altså 44 prosent.

Saga får 5.000 kroner i premie.

Røystinga er rådgivande. Saka går vidare til politisk handsaming i det nye kommunestyret.