Smitte oppdaga i helga
Éin ny person fekk sundag kveld påvist koronasmitte etter å ha vorte testa for andre gong, skriv Kvam herad på nettsida si. Personen var allereie i karantene, og det krevst difor ikkje nytt smittesporingsarbeid.
Kvam herad lengjer ikkje tiltaka som vart settt i verk før helga. Heradet oppmodar ikkje lenger om å avlysa arrangement og fritidsaktivitetar, men minner om grunnleggande smittevernomsyn. Stenginga av sjukeheimane er oppheva, og Kvam vidaregåande skule opnar att om nokre dagar.
