Éin ny smitta onsdag

Framleis sit 105 i karantene i Ullensvang.

Det melder kommunen i ei pressemelding onsdag ettermiddag. To gjekk ut av isolasjon og to ut av karantene den dagen. 17 er framleis i isolasjon. To personar er på sjukehus på grunn av covid-19.

Samla har Ullensvang hatt 48 smittetilfelle.

— Dei tilsette gjer ein stor innsats med å handtera pandemien. Helsetenestene har vore hardt pressa dei siste vekene. Arbeidstakarane skal ha stor ros for solid innsats i den krevjande situasjonen, skriv kommunen.