Du kan sitje i bilen på ferjeturen

Med bakgrunn i aukande koronasmitte har Sjøfartsdirektoratet igjen innført forskrifta som gjer det mogleg å la passasjerar sitje i køyretøyet under overfart med ferje.

For såkalla fartsområde 3/havområde D og større er det derimot verdt å merkje seg at det er forbod mot å opphalde seg i køyretøyet både på lukka og opne ferjer. Forbodet har med tryggleik å gjere, med omsyn til blant anna risiko ved brann, evakuering og last som kan forskyve seg.

I Møre og Romsdal blir alle som tek ferje med bil, oppmoda om ikkje å gå ut av bilane under overfarten. I dette fylket blir det også tilrådd å bruke munnbind på alle kollektivreiser.